O venres 24 foi un día moi especial, tivemos unha visita no cole que non esqueceremos.  As nosas MASCOTAS viñeron a coñecer a escola e desfrutámola moito Na biblioteca temos un recuncho de contos sobre as mascotas e fixemos uns contos espectaculares sobre as nosas mascotas, para coñecer os nomes de cada unha, os coidados que precisan e buscamos noticias boas e malas sobre as boas prácticas de coidado animal evitando e recoñecendo o maltrato que sufren algúns animaliños.

 O pasado xoves 24 de maio tivemos o pracer de desfrutar dun contacontos con moita historia. Visitáronnos as antigas mestras de Verdu, Ángeles e Ana e compartimos unha mañá entrañable. Foron as mestras de moitas mamis, papis e tíos. Ficamos encantadas cos seus contacontos e agasallos Coñecimos A CASA DA MOSCA CHOSCA dunha forma moi chusquiña da man de Ana Llebra. Aprendimos a facer gorros e barcos piratas co  CAPITÁN CALABROTE da man de Ángeles. Encantounos compartir con vós un anaquiño da nosa historia e compartimos con algunhas mamis vivencias lonxanas cargadiñas de emocións.

 Nesta escola somos superfans de Brais das Hortas e de Peter Punk. O outro día recibimos unha supersorpresa. Viu visitarnos á escola Brais das Hortas para traernos en persoa o seu libro novo  Consertaso na Horta As nosas caras dinno todo, encantounos a súa visita, volve pronto Brais

No mes de maio comezamos novos obradoiros, veña que a Primavera danos ideas para crear e experimentar. Descubrimos a obra de Arcimboldo e creamos con flores naturais un retrato e con flores de papel un autorretrato moi primaveral Experimentamos con pingas de cores mesturando bebida vexetal, aceite e colorante E comezamos a prantar na nosa horta as leitugas máis ricas do mundo mundiaaaaal  

 Xogamos no patio coas caixas dos mobles e materiais novos como no conto de Isto non é unha caixa. Xogo libre e a deixar voar a creatividade

 O 2 de maio démoslle a benvida ao MES DAS FLORES Coa axuda de Guillermo e coa colaboración das familias conseguimos moitas flores e prantas. Mirade que maio tan bonitiño nos quedou, VIVA A PRIMAVERA

 Coa colaboración da Comunidade de Montes plantamos un carballo na escola. A nosa carballeira xa ten o seu carballo que conmemora 25 anos facendo escola e nos lembra que hai que coidar a natureza dende o corazón. 

 Polo día do Libro fixemos unha bandexa de contos para o patio e durante toda a semana lemos contos ao aire libre. Tamén fixemos un marcapáxinas chulísimos co noso conto favorito.