Magosto na Escola de Verducedo, primeira xuntanza do ano con todas as familias.  Grazas a todas por acompañarnos neste día.

 Este é o momento no que nos damos conta de que si, que é certo, que rematou o curso e que para o próximo estes pequenos (xa non tanto ;)) estarán nos seus respectivos coles de maiores.  Así dende a escola decímoslles que lles soltamos a man, pero que estremos aquí sempre que o precisen. Mil bico e mil grazas

 O luns celebramos na escola a nosa festa dos Maios. Trouxemos ó cole fentos, fiuncho, calas, flores, e ovos para vestir a adornar o Maio. Puxemos coroas de pampillos e cantamos e bailamos. Que ben o pasamos! Tivemos a sorte de contar coa presenza de Guillermo, un veciño que nos axudou a montar o Maio e nos ensinou a canción do Maio Maiolo. Moitas grazas por vir Guillermo!

 Rocío volveu a visitarnos para recordarnos a importancia do compost e do respecto polas plantas e a natureza. E fíxonos rir tantísimo, que xa estamos esperando que volva o próximo ano :)

 Fixemos a nosa xa tradicional Pizza Party coa Teacher e a axuda, nesta ocasión, do profe Rubén. Queríamos deixarvos un pouquiño para probar, pero non quedou nin miga!

 Grazas a Esteban de Tarabelos poidemos desfrutar deste espectáculo de títeres e contacontos cheo de maxia, de cor e de ilusión

 Moipto éxito tivo a nosa particular Feira do Libro! Moitas grazas a todas as familias que colaborastes e que vos achegastes ata a escola para escoller novos títulos e darlles unha segunda vida.